ساری گل بوتے، مسنوئی.... رنگ۔ نمو خوشبو دھوکا ہے

Sare gul boote , masnoi.... rang namo khushboo dhoka hai.

∘❀∘

Qasr ke sabza e zaar me siyah sham sunehre taro ke sath zalwa e gar huyi thi. Bharpoor sajawat, siyah aur sunhere spray paint shuda asli Gulab, roshniya, kehke!

Wo sab gol maiz ke ird gird khade the. Wo gol maiz Itni unchi thi ki sine tak aati. Kursiya nadrut ek maiz par tag laga tha "yousuf's" aur uske gird wahi Charo the.

Haneen ka frock sunehri tha, baki Saadi aur sam siyah suit me the; aur zumar ko to waise hi siyah suit ki aadat thi. Woh be taa'sur chehra liye ghunghriyali lat ungli par lapet-ti samne dekh rahi thi. Siyah lambi kameez or khando par siyah hi dupatta, baal khule the. Haneen ke Baal magar front choti me bandhe they or wo musalsal ird gird se guzarti ladkiyo ke per dekh rahi thi.

Ameer ladkiyo ke shakle Jaise bhi ho pao bala ke haseen hote hai woh chehra ragad le bohut hai. Pero ka khayaal dawato me hi aata, usne sochte apne peo frock ke ghar ke andar chhupane ki nakam koshish karte huwe socha.

Sam bohut he purzosh aaya tha. Haneen ne ye keh kar ke "ami ko abba ke paas chhorh dete hai, kyu phupho?" Zumar ki tayid Li to Saadi mana nahi kar saka. Sam ko sabse jyada khushi somwar ko apne dosto ko apne amir rishtedar ki dawat ki tafseel batane ki thi. Isliye raste me baar- baar wo dabi awaaz mein apna aur kardars ka rishta puchhta aaya tha.

"Hashim bhai hamare kiya lagte hai?"

"Dekho sam hamare nana ne 2 shadiya ki thi. Pehli biwi se ammi aur waris mamu the, jinki biwi Sara khala hai. pata Hai na unka?"

Sam ne asbat me sar hilaya.

"Aur dusri biwi se Faris mamu hai, aur Jo hamari dusri Nani thi unke bhai Aurangzeb kardar the,Hashim bhai ke Abbu.."

"Yani Faris mamu aur Hashim bhai first cousin huye?"

"Bilkul magar hamari ami ke first cousin nahi hai Hashim bhai, hamare wo kuch nahi lagte waise.."

"Phir wo hame kaise jante hai? "

"Uff sam.. Khoon ka rishta nahi hai magar ami ke souteli Maa ke bhatije huye to rishtedar to lage naa ab dobara mat puchnaa."

"Magar wo zumar phupho ko kaise jante hai?"

"Hashim bhai aur phupho Vakeel Hai aik sath kam karte rahe honge isi tarah shayad..."

"To Hashim bhai ne Sara khala ko kyun nahin bulaya?"

"Ufff!! Mujhe kya pata Sara khala to waise bhi ab kisi se zyada milti julti nahin Hai aur hame bhi kabhi kabhi hi bulate hai.."

"Pehle kab bulaya Main to kabhi nahi gaya?" Sam ko to gham Lag Gaya.

"Bas Chand aik Bar gaye the ham Unki Taraf bhai aur Main.. Ab chup Karke batho.."

Ba-mushkil haneen ne usay chup karwaya. Magar party mein aakar woh waqai khamosh ho gaya tha. Yeh uski duniya se bilkul mukhtalif duniya thi aur usay bilkul bhi maza nahi aa raha tha.

"Katto" usne Haneen ke qareeb sargoshi ki. "Yeh Hashim bhai.." (dur haste huye Hashim ki taraf ishara kiya) "Kitne artificial lagte haina?"

"Ullu, ishaare mat karo," usne jaldi se Sam ka haath dabaya. Albatta chehre ke rang badal gaye. Woh Hashim ko dekh bhi na paa rahi thi. Dil mein khauf alag, agar kisi ko pata chal gaya toh?

Qasr-e-Kardar ke baahar chand kilometer ke faasle par ek veeran sadak par wo aik car ruki khadi thi. Chand aur street light ki mili juli madham roshni mein dekho toh driving door par tek lagaye Faris ghazi khada tha. Sine par bazu lapet rakhe the aur sar jhukaye, joggers zameen ne ragad raha tha. Dafatan usne sar utha kar dekha.

Apni sunehri aankhein matlashi andaaz mein daayein baayein ghumaye. Woh goya kisi ka muntazir lagta tha.

Us neem andher jagah pe bhi uska chehra shafaf sa lagta tha. Gel wali pony ab kat chuki thi aur baal bohot chhote ho chuke the goya ustara pher diya ho. Puri aasteen ki surmai shirt pehan rakhi thi. Wajih chehre pe bezari si thi. Sunehri aankhein aur satwaan magar maghroor-naq usay mazeed kashish banati thi. Woh waqai aesa mard tha ke jisko raah chalte bhi log mud kar ek do dafa toh zarur dekhte hain.

Magar woh aam khoobsurat mardo ki tarah is baat ka lutf andoz nahi hota tha. Shayad ab nahi hota tha.

Ab uske chehre par hamesha ek chidchida pan hota tha. bezaari aur ghussa.

Samne se ek car aati dikhayi di. Tez headlights ke baais Faris ne aankhein chundhiya kar munh pher liya. Headlights madham hui, engin band hua, battiya bujhi. Sadak par phir andhera chha gaya. Darwaza khula aur ek jawan baahir nikla.

Yahan se uski pusht dikhayi deti thi. Sar ke baal siyah the aur niche rugged Jeans aur shirt pehan rakhi thi. Haath mein ek bag pakad rakha tha.

"Ghazi," usne gale milne ko bazu aage badhaya aur Faris ne bag lene ke liye hath badhaya. Woh ruk gaya.

"Mubarak to dene de yaar,"

"Mera saman Stepney?" Wo khusk lehze me bola lekin awaz khusk nahi thi.

Nojawaan ne afsos se sar jhatak liya. "Mein tumahara wahid dost hoon, jail ka sathi raha hoon, aur tumhe acchi tarah pata hai jail ke baahir lane me Saadi ka hath hai. To do char ungliya meri bhi hai. Banda dosti ka hi lihaz kar leta hai.." bag sath dharte huye wo bahut narazi se bola tha.

"Saman pura hai?" Usne zip khol kar dekha. Tafteeshi mashkuq bhari nigaho se aik aik shey ko ulat pulat kiya. Andhere ke bawajood woh dekh sakta tha ke sab pura tha.

"Jaan par khel kar laya hoon ye sab, waise tum iska kya karoge?"

"Apni hifazat ke liye hai, aur kya karna hai!" Wo bag ko car ki pichhli seat par rakh Raha tha.

"Asla apne liye bhi rakho to chalana dusre par hi hota hai, Allah ko maano Ghazi, abhi tum jail se nikle ho aur abhi se ye kam?"

“Tumhara shukriya, main chalta hoon,” woh sapat sa kehta, driving door ke taraf badha. Stepney chand lamhe ke liye hakka bakka reh gaya.

“Aur mere paise? Kya tum bhool gaye ke main is sheher ke sabse mehnge consultants mein se ek hoon?”

“Acha, abhi toh tumne kaha ke tum mere dost ho,” usne taajjub se kaha aur andar baith gaya.

“Magar mere paise lage hain yaar. BILL KAUN ADAA KAREGA?” Woh cheekha tha. Faris ne haath maathe tak le ja kar use salaam kiya aur darwaza band kar diya. Phir car aage badh rahi thi. Wo wahi khada khafgi se budbadata raha.

Qasr-e-Kardar ke andarooni lawn mein party ki ronak jari-o-sari thi.

Saadi juice ke glass se ghoont bharta meri nazro se baayi taraf dekh raha tha. Wahan Shehrin country kisi se mil rahi thi. Usne wahi sunehra gown pehn hua tha aur haath mein clutch ke sath tab (ipad) pakda hua tha. Phir Saadi ko dekh kar unki taraf aayi.

"Hello DA!" Zumar ko woh isi tarah pukarti thi. DA yani district attorney. Phir Saadi par ek sarsari nazar daali.

“Hello Saadi, theek ho tum?" Rasmi sa haal awhal puchha. Zumar ne mehej sar ke kham se jawab diya. Woh isi tarah mud gayi magar Saadi ke qareeb se aur Saadi ne badi maharat se tab pakad kar coat ki androoni jeb mein rakh diya. Shehrin mudr Bina dur hoti gayi. Saadi ne gehri saans li. Aadhaa kaam ho gaya tha magar password?

Zumar ne wada poora kiya. Saadi bal-aakhir aa hi gaya. Hashim ne muskura kar uske kandhe ko thapka to wo seedha hua, Hashim abhi udhar aaya tha, Haneen apne jooto ko dekhne lagi.

Zumar ne jara se shaane uchkaye aur khamoshi se usse Saadi se baat karte dekhti rahi.

“Kya kar rahe ho aaj kal?” Woh bilkul bade bhaiyo ke andaaz mein poochne gaya. Saadi ne sadgi se muskuraya.

“Aap ko ilm na ho ke main kya kar raha hoon, yeh main nahi maan sakta.."

Hashim haans diya, magar uski sard aankhein Saadi ke andar tak utar rahi thi.

“Yahi to jaanne ki koshish kar raha hoon, ke tum kya kar rahe ho?”

“Gadhe murde ukhaad raha hoon,”

Hashim ki barf aankho me tapish ubhri. Magar muskurahat pheeki na huyi.

“Koi madfan mile toh mujhe bhi khabar karna,” Hashim ne kaha.

“Sabse pehle aap hi ke paas aaunga, wada raha,” Saadi ke lehje me azm tha. Hashim ne muskura kar sarko khum Diya, aur Saadi ke collar se nadida gard jhaadi.

“Main intezaar karunga,” phir doosro ki palta. “Kaise ho Haneen?”

Haneen ne chehra uthaya, palke Larzi. Woh samne khada tha. Naram muskurahat ke sath usko dekhta, camel colour ke suit mein malboos, andar siyah shirt. Sabse mukhtalif. Haneen ka aitmad badha Kisi ko kuch ilm nahi hoga. Hashim kisi ko nahi batayega.

“Jee theek,”

Wo sam ko dekhe bina zumar ki taraf mutwajjeh hua.

“Kya main ne aap ko bataya ke mujhe Sarkar banaam Abdul Ghafoor me settlement mil gayi hai?” Zumar ki ghungriyali lat ungli ek dam sakit huyi. Aankho mein hairat, shock kuch bhi na zahir hua.

"Wakai, Prosecutor Basirhat kaise maane?"

"Jaise main kehta hoon Paisa bolta hai." Wo mehjooz hua tha. "Waise, aap ko la-ilm dekh kar hairat hui. Mera khayal tha, meri jeet ka aap ko ilm hoga."

"Mujhe wakai ilm nahi tha ke aap jeet gaye hain," usne be-niyazi se abroo uchhkaye diye. "Anyways! mubarak ho. Aap ne ek qaatil ko trials se mehfooz kara liya."

"Yeh sirf ek accident tha," Hashim me yaad karwaya, phir entrence ki janib dekha. "Main aata hoon," keh kar woh apne doosre mehmano ki taraf badh gaya.

Zumar usay jaate huye dekhte rahi. Phir rukh moda to Saadi ussi ko taraf dekh raha tha.

"Ye Kis jeet ki baat kar rahe the? Aur yeh corporate litigation se criminal cases ki taraf kyun aa jaate hain bar-bar? Jara summarise karke bataiye."

Uski baat par zumar ne kehna shuru kiya

"Well, Hashim ki maa ki dost Mrs. Sheila Irshad ke driver ne ek accident mein ek teenage ladki di. Aur Hashim apna office chhod kar sirf Aziz-o-akarat ko favour dene ke liye sirf DA ke office aata raha. Woh mamla settle karna chahta tha, Magar prosecutor basirhat ke paas case hone ki wajah se yeh muskhil tha. Baharhaal usne diyat ki raqam jitna ammount khufiya tour par wursa ko de diya aur mamla settled."

[Wursa: person related by blood or marriage]

Saadi ne asbaat me sir hilaya. "Sirf bees minute."

Zumar ne na samjhi se usay dekha.

"Abba pehli dafa jab mujhe aapke pas leke gaye the, toh meri umar bees minute thi. To siwaye is bees minute ke baki ke pachchis saal aur saat din aapke qareeb raha hoon, aur in bees minute ki kami aapko samjhne ki salahiyat par asar andaaz nahi ho sakti. Kyunki aapne Hashim se kaha aap uski Jeet se bekhabar thi, aur usko decode karu to aapko khabar thi. Magar Jeet ki nahi Kyunke woh shayad jeeta hi nahi hai isliye."

"Aap ne abhi summarise kar ke bataya hai usay, usay zumarise karke bataiye."

"zumarise karoon? Achha!" Woh halka sa haansi, aur itne arsey baad ye pehli dafa hua. Woh muskurata huye usay dekh raha tha. Aur haneen bedili se sun rahi thi. Uska dhyaan baar baar bhatak raha tha.

"Kanoon andha hota hai magar prosecutor ki do aankhen hoti hai mujhe case dekhte he pata chal gaya tha ke accident malikan ne kiya hai aur wafadar driver qurbani ki bhedh hai magar saboot tha na gawah to maine Hashim ko prosecutor basirhat ka rasta dikhaya kyun ke hashim apni anaa ke liye Mrs. Sheila se dohri rakam nikalwa sakta hai jab ladki ke baap ne bataya ke dohri rakam mil gayi hai to maine basirhat sahab ko deal ke leye kail kar liya "

"Baharhaal... Wo aik accident tha aur me us family ki madad karna chahati thi."

Muskura kar batate huye usne door khade Hashim ko dekha, Haneen be-dili se idhar udhar dekh rahi thi. Albatta, Saadi ne sahi enjoy kiya tha.

"Aapne Hashim ko kyun nahi bataya ke woh nahi jeeta?"

Zumar ne jawaban Saadi ki aankho mein dekha, "Hamaare school mein ek jaadugar show karta tha. Kabhi topi se kabootar nikalta, kabhi kaan se. Maine ek din poocha, 'Is trick ka raaz to bataiye?' Toh usne kaha, 'Jis din bata diya, woh mere show ka tumhare school mein aakhri din hoga.'"

"Sahi, aur yeh driver ko qurban karne ka mashwara bhi Hashim bhai ka hoga."

"Kya pata unhe maloom na ho ke jurm malikaan ne kiya hai." Haneen ko bura laga tha.

"Maloom? Hashim kabhi bhi apne client se nahi puchega ke usne jurm kiya hai ya nahi. Unka kaam sirf dafa karna hota hai, wo dafa karega. Prosecutes karna hoga to prosecutes karega.."

Haneen zumar ko dekh kar reh gayi. Hashim ne usse bhi nahi puchha tha ke usne nakal ki thi ya nahi.

"Magar kyun?" Saadi ne poocha.

"Kyuki vakil ka kaam puchhna aur muwakkil par aitbaar karna nahi hota. Uska khud tafteesh karke sacha dhundhna aur usay chhupana ya badhana hota hai."

"Hashim bhai ko zarur pata hoga ke jurm malikaan ne kiya hai. Apne jese criminals ko woh acche se jaante hain." Saadi ne izafa kiya to zumar ne abroo utha kar usay dekha.

"Saadi, main Hashim pasand Nahin Karti, aur kabile aitbaar to kabhi nahi samjhti. Magar criminals ka difa karne ke bais ham usko criminal nahi keh sakte"

Saadi khamosh ho gaya. Bas aik nazar zumar par daali. Agar jo phopho ko pata chal jaye ki wo Hashim ko itna bhi nahi janti to?

Jawahirat jab udhar aayi to tanha nahi thi sath main 2-3 khawateen bhi thi. Taaza botox ka asar tha. wo siyah or Sunehri dhariyo wale gown me damak rahi thi muskurate Hue shaadi ka collar jhadha.

"Kya yeh dosti hai tumhari nazar mein ki shakal bhi nahi dikhate..?" Badi nazakat aur maan se kaha.

Saadi muskura diya. "Ab aap ke paas khud pehle jaisa waqt nahi hai, Mrs. Jawahirat."

Jawahirat bas muskura kar apni Friends se Zumar ka ta'aruf karane lagi. Aik to shayad zumar ko jaanti bhi thi.

"Oh! Aap Zamar hai, mujhe yaad hai pehle bhi mulaqat hui thi," usne Albatta, Zumar ka naam galat talafuz ke saath bola gaya tha. Ze (ز) ke upar zabar (زَ) ke sath.

"Uff! It's Zumar, Zu-Mar, ze ke upar paish (زُ) hai" usne tod tod kar bataya.

Wo khatun "achha, achha" keh kar sar hilane lagi.

Kadre fasle par khada Noshirwan tund [bitter] nazro se udhar hi dekh raha tha, jo usay maa ke wada pura karne ka intezaar tha.

Ab Jawahirat ne saathi khawateen se Saadi ka ta'aruf karwaya. "Yeh Saadi Yousuf hai. Hamara qareebi rishtedaar aur bohot achha dost. apna mukammal Taa'ruf aur shajra-e-nasr batana Saadi ko bohot pasand hai, so batao na Saadi"

Saadi jara sa chonka phir sambhal kar muskuraya, sab usay hi dekh rahe the. 'to Nosherwan ki bezti ka badla utara ja raha tha' usne bas aik nazar samne khade sheru par dali jiske labo par fatehana muskurahat thi, Saadi khankhara.

Mrs. jawahirat ne chunke shajra-e-nasr ki bat ki hai to ham Pathan hai aur Hamara kabila Bani Israel se talluk Rakhta hai Yousuf alehisalam ki aulad se isiliye saadi Yousuf Khan naam hai mera! Yu main, Mere middle class Walden, Ham Sab Bani Israel se Hai."

Kehkar usne masumiyat se Jawahirat ko dekha, jahan Sheru ka chehra siyah para wahi Jawahirat bhi bhuj gayi. Wo yakeenan ye sab is andaaz me nahi kehalwana chahti thi. Agar Jo wo us roz Nosherwa ke samne jhadi gayi taqreer yaha doharata to kitna maza aata. Sataiysi nazro se usay dekh rahi thi.

Nosherwan sar jhatak kar aagay badh gaya. Jawahirat ne unme se aik ko mukhatib kiya.

"Australia kab Jaa rahi ho Amna?"

"Isi hafte Hammad aur kiran ke saath."

Zumar chonki. Saadi bhi. Haneen tak ne un ko dekha. Jawahirat muskurate huay narmi se pooch rahi thi. Us ke paas badla lene ke bohot se tareeqe the.

"Kiran kaisi hai?"

Judwa bete huay hain uske. Khush hai. Woh Kiran ki khala thi. Aur yeh to sab ko ilm tha ke Zumar ke mangetar ka rishta Jawahirat ke jaanne walo mein hi hua tha.

Wo khawateen wahan se hati to Jawahirat us taraf muri. Ek masoom nazar Saadi ke sanjeeda chehre par daali. Phir Zumar ko dekha jo sapat khadi thi. Phir ek dam aankho mein malal ubhara.

"Oh, I am sorry! Honey! Mujhe Hammad ka zikr nahi karna chahiye tha. Maine tumhein disturb kar diya na.." narmi se uska haath tham kar woh jaise be-had sharminda thi.

Haneen ne lab kat-te huay Saadi ko hamdardi se dekha. Usay apne pehle pichhle rawaiye par sharmindagi hui. 'bechari phupho'.

"Mujhe farq nahi padta." Use farq pada tha magar woh rukh mod gayi. Aur wahi entrence se woh chala aa raha tha. Siyah sunhere logo mein wohi aik mun farid tha. Neeli jeans, safed shirt chhoti kate baal kandhe par bage latkaye. Waiter ne kuch kaha. Us ne 'Hmph' karte huay bezari se usay pare kiya aur samne ki janib barh gaya.

Zumar ki aankho mein karb ubhara. Nafrat! Gam! Ghussa! Lab bhinch gaye.

Jawahirat ne us ki nigaho ke taqqub mein dekha. "Woh riha ho gaya hai aur yeh uske mamu ka ghar hai. Isko rehne se roka nahi ja sakta. Faris ko koi bhi kuch karne se rok nahi sakta." Jawahirat ne zumar ka haath dabaye goya mazrat ki, magar dhire se.

"Mujhe farq nahi padhta."

"I'm sorry, really"

"You should be," Saadi ne sar lehje mein kaha. Jawahirat ne narmi se usay dekha. Us ki kohni ko bacche ki tarah thapka aur "excuse me" ki keh kar aage badh gayi.

Haneen, Sam aur Saadi teeno khamosh thay aur Zumar ke rad-e-amal ke muntazir thay. Magar woh un ki taraf nahi dekh rahi thi.

"Kya aap ne woh kitaab padhi jo maine gift ki thi?" Saadi ne khankhar kar kaha.

"Konsi kitaab?" Zumar ne aankho mein utri nami ko andar utar liya magar lehje mein larzish thi. "Haan, woh tervi sadi ka Muslim scholar non fiction, nahi mein nahi parh saki. Main aati hoon, abhi hm." woh mazrat kar ke andar ki taraf barh gayi.

"Phupho hurt hui hain.?" Sam ne kaha, wo dono chup rahe.

Faris andar aaya aur seedha guest room ki taraf barh gaya. Us ke chehre ke taa'suraat sappat thay. Andar aakar us ne darwaza band kiya aur bag bed par rakha. Phir khud bhi saath baith gaya. Sar haatho mein liye kitni hi der baitha raha. Uski aankho mein ajeeb malal daakhil ho raha tha. Logo mein ghiri khadi us siyah libaas wali ladki ki bhoori aankho ki tapish goya andar tak utar gayi thi. Jaise usne uske saare andar ko jala daala ho. Woh bilkul khamosh baitha raha. Kamre mein sannata tha. Madham zard battiya jal rahi thin. Bahar ke shor aur ronak se bilkul katt kar yeh kamra khamosh sa tha.

Phir woh utha aur dheere dheere chalta khidki taraf aaya. Parda zara sa sirkaaya. Samne hi lawn mein woh khadi thi. Bad dili se woh Saadi se kuch keh rahi thi. Apni tamaam tar khushk mizaji aur talkhi ke bawajood, uski aankho mein utri gehri udaasi ko yahan se bhi dekha sakta tha. Jaise woh andar ki sari veeraniyo ko chhupane ke liye khud par karahtgi ka malba chadhaye huye thi. Us par nazrein jamaaye woh yuhi khada raha. Ungliyo se parda ko usi tarah thaame rakha. Woh manzar mein thi aur Faris ki nigahe wahi jami thin. Zehen mein bohot se purane manzar ghoom rahe thay.

"Jee haan, main poore wosooq se keh sakti hoon ke muzrim Faris Ghazi ne mujhe resturant bulaya tha aur phir mujhpe goli chalayi thi."

Barso pehle wo adalati kadhere mein khadi thi aur gardan uthaye sapat andaaz mein keh rahi thi.

"Nahi maine isay goli chalate nahi dekha tha, magar maine iski awaaz suni thi. Main gawaah hoon is baat ki ke mujhe pe aur zartasha Ghazi par hamla karne wala mulzim Faris Ghazi hi tha."

Faris ne parda chhod diya. Kapda lehra kar apni jagah par aa gira. Bahar ka manzar chhup gaya. Uska dil bura ho gaya tha. Aankho mein na-gawari ubhar aayi thi. Woh sar jhatak kar wapis bad ki taraf aaya.

Tez safed batti jalai aur phir bag kholne laga. Kuch dair pehle khidki ke paas khade shakhs wala koi ta’assur uske chehre par nahi tha. Wahan sirf sanjidgi ki thi aur sapat-pan the.

Ab woh bag ki tamam ashya ko aik aik karke dekh raha tha. Check kar raha tha.

Baher cake cut ho raha tha. Hashim aur Shehreen bacchi ke ird-gird muskurate huye maujood thay. Masnoi kehkhe ke khokli khusiya, Shehreen ne cake ke tukde cut krne shuru kiye.

Wo fondant ka teen manzila cake tha. Jaise asli gudiya fule frock ke sath khadi ho. Wo frozen ke Elsa thi. Magar uska libaas nila nahi barfila gulabi tha. Chand cakes iske alawa bhi markeezi maiz par rakhe the. Jinke ab Fiona tukde kar rahi thi.

Elsa wale cake ke Elsa ne aik dil utha rakha tha jispe SONIA likha tha, Shereen ne wo dil Sonia ki plate me dala, magar jab cake serve Kiya jane laga to usne wo dil aik aur plate par rakh kr Fiona ko diya.

"Ye DA ki table par le jao." Fiona usay foran waha le aayi.

DA Zumar to nahi thi. Magar Saadi ye sab bahut gour se dekha aur phir Shehreen ko, Wo usay hi dekh rahi thi. Magar usko dekhte paakar mehmano ki janib mutwajjeh ho gayi. Yaani Saadi khud samajh le to samajh le. Wo bas kinare kinare hi reh kar hi madad karegi.

Zumar andar aayi, to waha bhi mehmaan bikhre huye thay. Amiro ki daawate sara ghar hi khol kar rakh dete hai. Ek tasveer manzar aur puraana ghuroor mein gehl raha tha.

"Guest bathroom kis Taraf hai ?" Zumar ne guzrte waiter ko roka wo kisi kam se aaya tha to baat ki bajaye, guest room ki taraf ishara kar diya.

Zumar Sidhi Udhar Chali aayi woh Aansu Jo bahar mazbuti ke khawl me behne nahin diye the woh andar utarne ke bawajud aankho ko surkh kar gaye the usne guest room ka darwaza dhakela ke bathroom jakar Munh dhoye Magar bed per bag Khula Pada tha. Ek machine gun, do pistol goliya aur Khud woh bed ke Kinare par baitha apne joggers khole pindli ke saath chaku band raha tha. aahat pe chonk kar sar uthaya phir wahi ruk gaya Sidha bhi na hua. Chokhat par khadi Zumar ka saans ruk gaya tha, uski nigahe asle se ho kar Faris ke chehre Tak gayi. Phir unme utra gam gusse me badla jabray ki rage tan gayi. Woh peeche hui aur zor se darwaza band kiya. Ab usay mazeed fresh hone ki khwahish na thi. Woh tez tez chalte hue bahar ki taraf badh gayi.

Hussain ke kapro par cake ka ek tukda gira tha. Hussain ko saath liye woh andar aa gayi. Ek ke baad sab phir se bikhar gaye thay. Khana mein abhi waqt tha. Haneen ko yaad tha ke guest room kahan hain. Dakhli raste mein aik guest bathroom kidhar hai. Dakhili raste me se darwaza khulta aur andar sheeshe ki deewar ke saath qataar mein besin tha.

"Kuch logo ke chehro ko dekh kar lagta hai ke unhein bhedo ne kata hai, magar Nosherwan bhai ke baalo ko dekh kar mujhe yahi lagta hai." Rahdari se guzarte huye sheru ko dekh kar sam ne kiya. Haneen ko sadeed haansi aayi. Magar usne jor se Sam ki chutki Kati.

"Apni commentary band rakho." Wo nal ke upar neeche hath marne lagi. Wo khul nahi Raha tha. Chunke darwaza khula tha aur har guzrta shakhs dikhai de raha tha. Tabhi Hashim ne chokhat par ruk kar puchha.

"Kya ho raha hai baccho?"

Haneen ne khushagwar hairat se sar uthaya. Wo unko dekh kar bil-khusoos ruka tha. Sabse hat kar bhi usse mulaqat mumkin thi. Phir jhemp gayi.

"Ye nal nahi khul raha ,"

"Aahista se iske neeche haath lekar jao" Hashim ne muskurate huye ishara kiya. Haneen ne aahista se nale tale hath kiye paani ki dhar beh padhi.

"Ohh" wo jhemp(embarassed ) gayi. Haath dho kar hataye dhaar gayab automatic usay kyu bhool gaya. Sam andar bathroom ki taraf chala gaya. Haneen paper towel se haath khushk karti chokhat tak aayi.

"To kya subject hai tumhare?" Hashim ne baat ka agaz kiya.

"Literature" nigahe jhuka kar jhemp kar muskurayi.

"Oh me samjha shayad..." Woh hairan hua tha.

Haneen ke chehre par ek halka sa saya guzra. Hashim ne usay gaur se dekha aur baat badal di.

"Toh kya literature me bhi nakal ho sakti hai?"

"Nakal har subject me ho sakti hai, magar aapne ye nahi puchha ke maine nakal ki thi ya nahi"

"Mein ye kabhi nahi puchhta magar yeh zaroor puchhuga tumhare glasses kaha gaye hai? Tum to chasmish hoti thi na?"

"Utar gaye hai, bhai ne laser karwa diya tha." Usne kadre aitmad se Hashim ko muskura kar dekha.

"Aapko Mari ainak yaad hai, lekin aapne subah puchha ki kon Haneen?" Woh halka fulka sa shikwa kar gayi.

"kyunki mere jaanne walo mein 2 aur haneen bhi hain aik apne naam ke Darmiyan main 'i' Lagati Hai Aur dusri double 'E' tum kya lagati ho ?

"Double E "

"Good Khair Aati jaati Raha karo Sonia mummy sabse milti Raho yah bhai sakhti karta hai.?" Hashim ne muskura kar puchha magar woh bahut gehere andaaz me usay dekh raha tha.

"Sonia aur aapki mummy meri umar ki nahi hai aur bhai se achha mere liye duniya me koi nahi hai." Wo bhi muskura kar boli.

Magar bhai ke ant ke andaaz me zikr usay accha nahi laga tha. Hashim mazid kuch kehta magar kan mein koi awaaz aayi or woh Mazrat Karta Aage bar gaya.

Phir Kan me airpod dala ungali se daba kar bola. "Haan Khawar bolo.."

"Sar aap wahi ruke main aa raha hoon."

Khawar lawn me tha. Aur udhar aa raha tha. Magar phir koi aur mil gaya. Wo unka haal ahwal puchhne khada ho gaya. Khawar muntazir sa khada raha. Wo farig ho kar apne chief security officer ki taraf muda.

"Kya hua?" Istifsar me sakhti thi.

"Aap ko ye dekhna chahiye."

Khawar ne tablet aage kiya. Uski screen par panch cameras footage aa rahi thi. Khawar ne aik par ungli rakh kar usay badha kiya.

❏❏❏